Դաս ցերեկույթ

Հազար երնեկ՝ դաշտում մենակ՝ երկնքի հետ լինեի.

Բայց ո՜վ կտա էն վայելքը՝ ինքս  ինձ էլ չզգայի,

Ու հալվեի, ծավալվեի, ամենքի հետ լինեի...

Մեծագույն մարդու նվիրական ցանկություն, որն  այսօր  այլևս  իրականություն է:Թումանյանն հեղինակ է 0-100 տարեկան մարդկան համար, նա իր անմիջական լեզվով ու մտածողությամբ յուրաքանչյուր  հայի արյան մեջ է: Ասել է թե իրականացել է Մեծ լոռեցու երազանքը՝ լինել ամենքի հետ և ամենքի մեջ:Որպես երախտիքի դրսևորում հանրապետությունում հայտարարվեց թումանյանական տարի: Վաղար-շապատի Խ.Աբովյանի անվ. N4 հիմն. դպրոցը անմասն չմնաց բանաստեղծի հոբելյանին նվիրված միջոցառումներին:Դպրոցում ստեղծվեց թումանյանական անկյուն՝ Մեծ լոռեցու նկարներով, տոհմածառով, գրքերով ...Կերպարվեստի ուսուցչուհի Ի.Մինասյանը Լոռվա ձորի հմայնապատկերի վրա ներկայացրեց Թումանյանի սիրելի կերպարներից մեկին՝ Անուշին: Փետրվար ամսվա սկզբից աշակերտների մուտքը դպրոց ուղեկցվում է <<Անուշ>>օպերայի հնչյուններով:Փետրվարի 18-22-ը դպրոցում հայտարարված էր թումանյանական շաբաթ, որի շրջանակներում իրականացվեցին բաց դասեր(<<Անմահ Թումանյան>>-9գ, ուս.՝ Հ. Մարկոսյան, <<Ծանոթություն Թումանայանի հետ>>- 5ե, ուս.՝ Ա.Նաջարյան) դասղեկի ժամեր(<<Բարև Թումանյան>>-5դ , դասղեկ Ա. Նաջարյան, 6գ,ուս.՝ Ս.Սանթրոսյան), թումանյանական ընթերցումներ(8-րդ դաս-ի աշակերտներ, ուս՝. Ա.Կարճիկյան), կինոդիտում <Ե՛վ սիրտ, և՛ կամք , և՛ միտք>>:Ստեղծվեց ցուցատախտակ <<Ուշ-ուշ են գալիս, բայց ոչ ուշացած>> խորագրով՝ նվիրված հայոց 2 կարկառուն հոբելյանական մեծերին ՝ Թումանյանին և Կոմիտասին (Հ.լեզու և գրականություն մասնախումբ):Նշվեցին նաև գիրք նվիրելու (5ե - դասղեկ Լ.Գևորգյան, 7ա – դասղեկ Ն.Նազարյան, 8բ – դասղեկ Ա. Կարճիկյան  ) և Մայրենիի օրերը (5ա – ուս՝. Ա. Միրզոյան):

Ի թիվս նշված աշխատանքների մինչև ամսվա վերջը նախատեսվում է իրականացնել բեմադրություններ (<<Անբան Հուռին>>, <<Մուկիկի մահը>>), ինչպես նաև <<Թմկաբերդի առումը>> պոեմի հիմքով ֆլեշ-մոբ:

Հեղինակ` [online] [/online][offline] [/offline]